الرئيسيةالبوابةمكتبة الصورس .و .جبحـثالمجموعاتالتسجيلدخولدردش و قول احلى كلام

شاطر | 
 

 65 سر عن الشباب!!! هام للغايه

اذهب الى الأسفل 
كاتب الموضوعرسالة
اميرة الرومانسية
نائب مدير
نائب مدير
avatar

عدد الرسائل : 1434
العمر : 26
مزاجي : 0
تاريخ التسجيل : 11/08/2008

مُساهمةموضوع: 65 سر عن الشباب!!! هام للغايه   الأحد أكتوبر 26, 2008 2:48 am



1-الشاب بيبص علي البنت الحلوه ( لأن الله جميل يحب الجمال )بس مش شرط يحب واحده قمر14 المهم تكون حسنة الطلعه زي مابيقولوا وروحها حلوه وجذابه.

2-الشاب مابيحبش البنت تعاكسه وتترمي عليه وتتغزل فيه وفي جماله عشان ده دوره هوه المفروض.

3-ممكن الشاب يعجب بيكي للحظه وينساكي بعديها ولاكأنه شافك قبل كده.

4-لما الشاب يقولك أنا مش قادر أفهمك هوه يقصد ببساطه إنك مبتفكريش بطريقته أو زيه.

5-"بتعملي إيه؟؟" "أو كلتي ولا لسه؟؟" دي أول أسئله يسألها الشاب لما يكلمك علي التليفون بدل مايقعد ساكت أو يقعد يتهته.

6-صحيح ممكن يكون الشاب عنيه زيغه علي البنات اللي رايحه واللي جايه بس صدقيني قبل مايجي ينام بيفكر في البنت اللي بيحبها ويحب يبقي آخر صوت سمعته ودانه قبل ما ينام صوتها.

7-لما الشاب يحبك يتجاهل كل عيوب شخصيتك (ما بيقعدش يطلع فيكي القطط الفطسه ويوريكي إنك أزبل خلق الله).

8-إبتسامة فرح جميله منكي بالدنيا وإللي فيها عند الشاب.

9-الشاب ممكن يعمل أي حاجه ممكن تتصوريها أو حتي متتصوريهاش عشان يلفت إنتباهك.

10-الشاب بيتضايق جداً لمابتتكلمي عن الشباب عموماً وبالذات عن حبيبك الأولاني وتجاربك إللي فاتت.

11-لما الشاب يقولك إنه عايز يقابل أهلك أوعي ترفضي بل بالعكس شجعيه وأقفي جانبه في المعركه عشان تحسي بحلاوة النصر.

12-الشاب بيبقي نفسه يقول ويقول عن نفسه0000 بس مابيعرفش يقول غير عن مغامراته إللي تتصدق بالعافيه أو عن شجاعته في خناقة فيلم أكشن.

13-علي فكره الشاب بيعيط(مهما بان جامد وقوي ماهو بني آدم برضه).

14-لما تبقي في بداية علاقه ماتستعجليش علي إنك تضايقي الشاب عشان تتخانقوا0000صدقيني هاتتخنقوا هاتتخنقوا.

15-الشاب مابيعرفش يحلم ويتأمل كتير زيك وماعندوش صبر عايز إللي يتمناه يتحقق في ثانيه.

16-الشاب يموت عشان يوصل للبنت إللي نفضتلوا وده بيخليه يتقبل هزميته وخسارته بصعوبه جداً عشان دايماً المفروض هو إللي يكسب.

17-لما توصلي لقلب شاب إنتي كده دخلتي سكه مافيهاش راجعه (دخول الحمام مش زي خروجه يابنتي).

18-أوعي تدي شاب رساله متعلقه زي "عارف" أو "عايزه أقولك حاجه" وتسيبه كده عشان كده دماغه هاتنط لإستنتاج بعيد أووووي عن إللي في دماغك.

19-الشاب بيتجنن لما بيلمس إيديك (بس خدي بالك كده حرام).


20-الشاب لما يكون بيلعب لسانه ده بينقط كلام زي العسل يدوخ بيه أجدع بنت بس تعالي حطيه قدام واحده بيحبها هايتهته وكأن القطه أكلت لسانه.

21-لما الشاب يقولك "أممممممم" أو يديكي عذر أول ماتيجي تطلبي منه حاجه أعرفي إنك مش عاجباه ومش مستعد يديكي "الكريدت كارد" أو حتي يدفع فيكي قرش واحد.

22-قولي للشاب أنتي عايزه أيه منه بالظبط من الأول قبل ماتقع الفاس في الراس ونقعد نقول ياريت إللي جري ماكان.

23-لما تقولي لشاب "لأاااه" بيسمعها هو حاول تاني بكره (معلش أطرش هههههه).

24-الشاب بيكره الشاب الفافي.

25-الشاب بيموت في أمه( يعني كله إلا هيا ).

26-الشاب ممكن يضحي بالفلوس إللي هايتغدي بيها عشان يجبلك بوكيه ورد أحمر (يعني يجوع عشان سواد عيون حضرتك).

27-متستبعديش إن الشاب ممكن يفكر في بنت معجبه بيه بس ده مش معناه إن حضرته معجب بيها.

28-مستحيل تفهمي الشاب إلا لوسمعتيه كويس (فبلاش بقي تنزلي لوك لوك لوك لوك وإديه فرصه ينطق).

29-الشاب لو قالك بحبك مره واحده في القرن أعرفي إنه فعلاً بيحبك (بس مافيش مانع حضرته يسمعك كلام حلو عشان يحسسك بأنوثتك).

30-حاسبي000000الشاب أحسن واحد ينشر الإشاعات يعني في خلال ساعه واحده شباب مصر كلها هايعرفوا إللي عايز يقوله من غير مايعرفوا صدق ولا كذب.

31-زي ماحصل مع أمنا حوا وأبونا آدم أنتي نقطة ضعف الشاب (أستغلي المعلومه دي كويس ههههههه).

32-صح إنك تجربي الشاب الأول قبل ماتصدقي كلامه بس ماتسبيهوش كتير بره دائرة ثقتك.

33-الشاب غالباً بيبقي صريح قوي لما بيجي يتكلم عن نفسه.

34-مافيش شاب مايعرفش يعاكس ويقول كلام حلو كلهم معاهم دكتوراه منذ الولاده بس بيختلف من واحد بجح من واحد بيتكسف من خياله.

35-الشاب الشيك النضيف يموت لو هدومه إتوسخت حتي لو كانت الحته إللي إتوسخت أد السمسمايه ولو حلفتيلوا 100يمين إنها مش باينه مش هايصدق(خديها من قاصرها وقوليله يروح يغير).

36-الشاب بيحب البنت المحترمه حتي لومكانتش أموره للدرجه.

37-انتيمك(صديقتك العزيزه يعني)إللي الشاب بيلجألها لوحب يعملك مفاجأه مثلاً أو في مشكله بينكوا أو عايز حد يتوسطله مش بعيد أبداً يحبوا بعض هما الأنتنين وتخسري الأتنين حبيبك وأنتيمك (وكده 1000مبروك خرجتي أنتي من المولد بلا حمص أيد ورا وأيد قدان).

38-الشاب لوشكالك همه أوحكالك عن مشاكله هو مش عايز منك غير إنك تسمعيه وأوعي تعملي فيها أم العريف وتنصحيه في نفس ذات اللحظه (في حموتها)إنما بعديها ممكن.

39-حركه لاإراديه الشاب بيعملها فيكي لما تكوني إنتي حبيبته يفضل يضايقك وينرفزك ويغيظك ويعلق علي كل كلمه تطلع من بقك.

40-الشاب لوحابك وكنتي مرتبطه هيلاقي 1000مليون طريقه يبعدكوا فيها عن بعض ويخليكي تحبيه (فخلي بالك).

41-الشاب بيحب البنت إللي عندها حاجه أسمها عقل مش إللي بتلبس (ميني سكرت).

42-الشاب بيحاول يجيب الهديه إللي ممكن تعجبك صحيح بتمثلي إنها عجباكي بس بينا وبين بعض نادراً لما بتعجبك صح؟؟هههههههه.

43-عملياً الشاب بيتفاخر عن كل حاجه تخصه(ده أساسي يعني هههههه).

44-الشاب(غالباً)عمره ميتآمن علي سر خدي بالك بقه مابيتبلش فيه فوله وده غصب عنه ديه طبيعه عادي يعني. مش كلهم يعني وفي بنات كده برضه إحنا مش ملايكه يعني ديه صفه مشتركه بين الشباب والبنات.

45-الشاب دماغه مابتهداش علي طول تودي وتجيب مابيبطلش تفكير أبداً.

46-الشاب خياله واسع قوي( يعني يرمح فيه الخيل000ههههههه).

47-الشاب طولك عنده مش مهم بس صدقيني مافيش عنده أهم من وزنك حااااسبي.

48-الشاب دايماً لما يدخل علاقه جديه بيكون متملك لأبعد الحدود(هيقرفك قوي بس لو بتحبيه أستحملي دي طبيعة آدم لما يحب).

49-لما سيدتك تجنني شاب معجب بيعاكسك وتديلوا الطرشه(تنفضيلوا يعني)هيتمسك أكتر بيكي وهيلزء هههههه.

50-غالباً بيكون صعب علي الشاب يسيبك وخصوصاً إذاكان بقالكوا مع بعض أكتر من 3سنين (يعني لوعمل كده يبقي بيدوس علي قلبه).

51-لازم لازم لازم الصراحه يعني تقولي للشاب أنتي بجد مستنيه إيه من علاقتكوا ببعض قبل ماتدخلوا في الجد وتقع الفاس في الراس.

52-تحذير هاااام الشاب لازم يجرب الإحساس بالرفض وخصوصاً لوكان من الشويه الآمامير إللي مافيش بنت قدرت تقاوم جمال عيونه(ههههه قال يعني)وإلا عمره ماهيكبر ويبطل لعب العيال ده.

53-لوحصلت ظروف مش قد كده غالباً الشاب بيلوم نفسه أكتر بكتير منك يابنوته ده كمان ممكن توصل أنه يعمل حاجه في نفسه أوعي تسبيه في ظروف زي ديه أتفقنا؟عشان ده أكبر وقت بيحتاجك فيه.

54-الشاب عموماً عنده إنفعال وشغف أنه يتغير للأحسن* بس إرادته للأسف ضعيفه يعني محتاج منك زأه لومفيش مانع.

55-الشاب يكون مع الناس كلها واد أيه أسد مرعب محدش يقدر يفتح بقه معاه بس يجي معاكي أنتي ويبقي زي القطه المتروضه مش خوف منك لاسمح الله لأ ده من حبه ليكي(إوعي تفهميه غلط).

56-لو الشاب في موقف المفروض يكون متنرفز فيه وهو عملك عم الكووول إللي أعصابه بارده وميتعصبش بسرعه شوفي إذا كان عرقان هاتعرفي أد أيه هومتنرفز.

57-لما الشاب يقولك إنه مجنون بيكي يبقي فعلاً حبك عمله جنان أمممممم غالباً مش بيكدب.

58-لما الشاب يقولك سبيني في حالي إعرفي إنه بيقولك "بليز تعالي وإسمعيني"يعني زني عليه عشان يحس إنك مهتميه بيه وإن إللي يدايقه يدايقك (بس مش الزن إللي يخنق).

59-الشاب في الحقيقه غالباً مالوش قرار نهائي(وخدي بالك من النقطه دي).

60-لما الشاب يحبك يطلع كل الحلوإللي فيه(إكسكلوسف ليكي أنتي وبس)شفتي بقي حبك بيعمل فيه حاجات حلوه إزاي.

61-لما الشاب يسيب التهريج ويبقي عايز يتكلم بجد أسمعيه ووريه أد أيه إنتي مهتميه.

62-لو الشاب فضل ساكت وقافل بقه متقليدهوش وتأعديلي ساكته أنتي كمان أنطقي وحاولي بكلمتين كده تظبطي القاعده وتدوبي الثلج إللي أنتي فيه.

63-الشاب مابيؤمنش بالحب من أول نظره علي عكس معظم البنات وبرغم كده بيعاكس برضه لحد مايقع من غير ماحد يسمي عليه وساعتها بس هيآمن ويبصم بالعشره أن في حب كده.

64-الشاب بيحب في البنت أنوثتها بس مايحبش ضعفها يعني أنوثه وقوه مع بعض وحلي بقي أنتي المعادله الصعبه دي.

65-الشاب ممكن يضيع وقته في ماتش كوره أو في لعبة بلاي ستاشن أو كمبيوتر(في الوقت إللي أنتي فيه مشغوله بأفكارك الرومانسيه إللي بتشوفيها في الأفلام الأبيض وأسود)أوعي تتضايقي بالعكس خدي الموضوع ببساطه ولو مافيهاش رخامه حاولي تشجعي معاه أوحتي تلعبي معاه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حنين الحياه
نائب مدير
نائب مدير
avatar

عدد الرسائل : 1365
العمر : 29
مزاجي : 0
تاريخ التسجيل : 10/08/2008

مُساهمةموضوع: رد: 65 سر عن الشباب!!! هام للغايه   الأحد أكتوبر 26, 2008 5:08 am

ايه يابت كلامك ده يخرب عقلك يجنن كلامك حلو مووووت يانونو وصح ميه فى الميه
والله احنا غلابه اوى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
زائر
زائر



مُساهمةموضوع: رد: 65 سر عن الشباب!!! هام للغايه   الأحد أكتوبر 26, 2008 11:04 pm

كلامك حلو اوى يا ميرو ده الرجاله دول اه منهم انما احنا يا عينى ملايكه وفى الاخر يقولو "فتش عن المراه" ميرسى يا قمر ليكى ربنا يخليكى لينا cheers
الرجوع الى أعلى الصفحة اذهب الى الأسفل
أسيرة الأحزان
مشرف
مشرف
avatar

عدد الرسائل : 499
العمر : 27
تاريخ التسجيل : 17/09/2008

مُساهمةموضوع: رد: 65 سر عن الشباب!!! هام للغايه   الإثنين أكتوبر 27, 2008 12:08 am

تسلم ايدك يا عثولة
زي ماقلتلت لولو احنا ملايكة اما الرجاله اعوز بالله منهم ههههه
cheers
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
روان
عضو مميز
عضو مميز
avatar

عدد الرسائل : 114
تاريخ التسجيل : 28/09/2008

مُساهمةموضوع: رد: 65 سر عن الشباب!!! هام للغايه   الإثنين أكتوبر 27, 2008 4:13 am

تسلم ايدك يا قمر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Face Off
عضو مميز
عضو مميز
avatar

عدد الرسائل : 70
تاريخ التسجيل : 29/10/2008

مُساهمةموضوع: رد: 65 سر عن الشباب!!! هام للغايه   الجمعة أكتوبر 31, 2008 8:38 pm

على فكرة نسبة كبير من الكلم دة صح ما انكرش لكن فى حاجات تانية غلط وبعدين وانتو مش ملايكة ولا حاجه برضه فيكوا بنات يا اعوذو باللة...........
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
65 سر عن الشباب!!! هام للغايه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
http://abdo.ahlamontada.com :: المنتدىالعام-
انتقل الى: